Category: ಬೆಂಗಳೂರು ನಗರ

ಮಹದೇವಪುರ: ಬೆಂಗಳೂರು ಪೂರ್ವ ನಗರ ಪಾಲಿಕೆಯಲ್ಲಿ ಜನಗಣತಿ–2027ರ ಪೂರ್ವ ಸಿದ್ಧತಾ ಕಾರ್ಯಗಳ ಕುರಿತು ಸಮಗ್ರ ಪರಿಶೀಲನಾ ಸಭೆಯನ್ನು ಪ್ರಧಾನ ಜನಗಣತಿ ಅಧಿಕಾರಿ ಹಾಗೂ ಆಯುಕ್ತರಾದ ಡಿ.ಎಸ್. ರಮೇಶ್ ಅವರ ಅಧ್ಯಕ್ಷತೆಯಲ್ಲಿ ನಡೆಸಲಾಯಿತು.

ಸಭೆಯಲ್ಲಿ ಜನಗಣತಿ ಕಾರ್ಯವನ್ನು ಸಮರ್ಪಕವಾಗಿ ಮತ್ತು ಸಮಯೋಚಿತವಾಗಿ ನಿರ್ವಹಿಸಲು ಅಗತ್ಯ ಕ್ರಮಗಳ ಕುರಿತು ಚರ್ಚೆ ನಡೆಸಲಾಯಿತು. ಜನಗಣತಿ ಕಾರ್ಯದ ವಿವಿಧ ಹಂತಗಳ ಪ್ರಗತಿಯನ್ನು ಪರಿಶೀಲಿಸಿದ ಅವರು, ಕಾಲಮಿತಿಯೊಳಗೆ ಕೆಲಸ ಮುಗಿಸಲು ಅಧಿಕಾರಿಗಳಿಗೆ ಕಟ್ಟುನಿಟ್ಟಿನ ನಿರ್ದೇಶನಗಳನ್ನು ನೀಡಿದರು.

ಸಭೆಯ ಪ್ರಮುಖ ನಿರ್ದೇಶನಗಳು:
• ಎಚ್.ಎಲ್.ಬಿ.ಸಿ (HLBC) ಗಡಿ ಗುರುತಿಸುವಿಕೆ: ಎಲ್ಲಾ ಎಚ್.ಎಲ್.ಬಿ.ಸಿಗಳ ಗಡಿ ಗುರುತಿಸುವಿಕೆ (Demarcation) ಪ್ರಕ್ರಿಯೆಯನ್ನು ಇಂದು ಸಂಜೆ ಒಳಗೆ ಕಡ್ಡಾಯವಾಗಿ ಪೂರ್ಣಗೊಳಿಸುವಂತೆ ತಿಳಿಸಿದರು.

• ಬಾಕಿ ಇರುವ ಎಚ್.ಎಲ್.ಬಿ.ಸಿಗಳ ಸೃಜನೆ: ತಾಂತ್ರಿಕ ಕಾರಣಗಳಿಂದ ಬಾಕಿ ಇರುವ ಎಲ್ಲಾ ಎಚ್.ಎಲ್.ಬಿ.ಸಿಗಳನ್ನು ತಕ್ಷಣವೇ ಸೃಜಿಸಲು ಸೂಚಿಸಿದರು.

• ಮೇಲ್ವಿಚಾರಣಾ ಬ್ಲಾಕ್‌ಗಳ ರಚನೆ: ಪ್ರತಿ ಚಾರ್ಜ್ ಆಫೀಸರ್‌ಗಳ ವ್ಯಾಪ್ತಿಯಲ್ಲಿ ಅಗತ್ಯವಿರುವ ಮೇಲ್ವಿಚಾರಣಾ ಬ್ಲಾಕ್‌ಗಳನ್ನು (Supervisory Blocks) ಶೀಘ್ರವಾಗಿ ರಚಿಸುವಂತೆ ಸೂಚಿಸಿದರು.

• ನೇಮಕಾತಿ ಆದೇಶಗಳ ವಿತರಣೆ: ಜನಗಣತಿ ಕಾರ್ಯಕ್ಕೆ ನಿಯೋಜಿಸಲಾದ ಸಿಬ್ಬಂದಿಗಳ ನೇಮಕಾತಿ ಆದೇಶಗಳನ್ನು ಆಯಾ ಇಲಾಖೆಗಳ ನೋಡಲ್ ಅಧಿಕಾರಿಗಳ ಮೂಲಕ ಗಣತಿದಾರರಿಗೆ ತಲುಪಿಸುವ ಪ್ರಕ್ರಿಯೆಯನ್ನು ಚುರುಕುಗೊಳಿಸಲು ಸೂಚಿಸಿದರು.

• ತರಬೇತಿ ಕಾರ್ಯಾಗಾರ: ಮುಂಬರುವ ತರಬೇತಿ ಕಾರ್ಯಾಗಾರಕ್ಕೆ ಅಗತ್ಯ ವ್ಯವಸ್ಥೆಯನ್ನು ಮಾಡಿಕೊಳ್ಳುವಂತೆ ಸೂಚಿಸಿದರು.

*ಸಮಗ್ರ ಮತ್ತು ಪರಿಣಾಮಕಾರಿ ಜನಗಣತಿಗೆ ಬದ್ಧ*

ಜನಗಣತಿ–2027 ಕಾರ್ಯವನ್ನು ಸಮಗ್ರ, ನಿಖರ ಹಾಗೂ ಪರಿಣಾಮಕಾರಿಯಾಗಿ ಅನುಷ್ಠಾನಗೊಳಿಸಲು ಬೆಂಗಳೂರು ಪೂರ್ವ ನಗರ ಪಾಲಿಕೆ ಬದ್ಧವಾಗಿದ್ದು, ಎಲ್ಲಾ ಹಂತಗಳಲ್ಲಿ ಸಮನ್ವಯದೊಂದಿಗೆ ಕಾರ್ಯನಿರ್ವಹಿಸುವಂತೆ ಅಧಿಕಾರಿಗಳಿಗೆ ಸೂಚಿಸಲಾಗಿದೆ ಎಂದು ಆಯುಕ್ತರು ತಿಳಿಸಿದರು.

ಸಭೆಯಲ್ಲಿ ಅಪರ ಆಯುಕ್ತರು (ಅಭಿವೃದ್ಧಿ) ಲೋಖಂಡೆ ಸ್ನೇಹಲ್ ಸುಧಾಕರ್,ಅಪರ ಆಯುಕ್ತರು (ಕಂದಾಯ) ಪ್ರಜ್ಞಾ ಅಮ್ಮಂಬಳ,ಜಂಟಿ ಆಯುಕ್ತರು ಡಾ. ಸುಧಾ , ಉಪ ಆಯುಕ್ತರು, ಚಾರ್ಜ್ ಆಫೀಸರ್‌ಗಳು, ಸಹಾಯಕ ಚಾರ್ಜ್ ಆಫೀಸರ್‌ಗಳು ಹಾಗೂ ತಾಂತ್ರಿಕ ಸಹಾಯಕರು ಉಪಸ್ಥಿತರಿದ್ದರು.

: ಬೆಂಗಳೂರು ಪೂರ್ವ ನಗರ ಪಾಲಿಕೆಯಲ್ಲಿ ಜನಗಣತಿ–2027ರ ಪೂರ್ವ ಸಿದ್ಧತಾ ಕಾರ್ಯಗಳ ಕುರಿತು ಸಮಗ್ರ ಪರಿಶೀಲನಾ ಸಭೆಯನ್ನು ಪ್ರಧಾನ ಜನಗಣತಿ ಅಧಿಕಾರಿ ಹಾಗೂ ಆಯುಕ್ತರಾದ ಡಿ.ಎಸ್. ರಮೇಶ್ ಅವರ ಅಧ್ಯಕ್ಷತೆಯಲ್ಲಿ ನಡೆಸಲಾಯಿತು.

ಸಭೆಯಲ್ಲಿ ಜನಗಣತಿ ಕಾರ್ಯವನ್ನು ಸಮರ್ಪಕವಾಗಿ ಮತ್ತು ಸಮಯೋಚಿತವಾಗಿ ನಿರ್ವಹಿಸಲು ಅಗತ್ಯ ಕ್ರಮಗಳ ಕುರಿತು ಚರ್ಚೆ ನಡೆಸಲಾಯಿತು. ಜನಗಣತಿ ಕಾರ್ಯದ ವಿವಿಧ ಹಂತಗಳ ಪ್ರಗತಿಯನ್ನು ಪರಿಶೀಲಿಸಿದ ಅವರು, ಕಾಲಮಿತಿಯೊಳಗೆ ಕೆಲಸ ಮುಗಿಸಲು ಅಧಿಕಾರಿಗಳಿಗೆ ಕಟ್ಟುನಿಟ್ಟಿನ ನಿರ್ದೇಶನಗಳನ್ನು ನೀಡಿದರು.

ಸಭೆಯ ಪ್ರಮುಖ ನಿರ್ದೇಶನಗಳು:
• ಎಚ್.ಎಲ್.ಬಿ.ಸಿ (HLBC) ಗಡಿ ಗುರುತಿಸುವಿಕೆ: ಎಲ್ಲಾ ಎಚ್.ಎಲ್.ಬಿ.ಸಿಗಳ ಗಡಿ ಗುರುತಿಸುವಿಕೆ (Demarcation) ಪ್ರಕ್ರಿಯೆಯನ್ನು ಇಂದು ಸಂಜೆ ಒಳಗೆ ಕಡ್ಡಾಯವಾಗಿ ಪೂರ್ಣಗೊಳಿಸುವಂತೆ ತಿಳಿಸಿದರು.

• ಬಾಕಿ ಇರುವ ಎಚ್.ಎಲ್.ಬಿ.ಸಿಗಳ ಸೃಜನೆ: ತಾಂತ್ರಿಕ ಕಾರಣಗಳಿಂದ ಬಾಕಿ ಇರುವ ಎಲ್ಲಾ ಎಚ್.ಎಲ್.ಬಿ.ಸಿಗಳನ್ನು ತಕ್ಷಣವೇ ಸೃಜಿಸಲು ಸೂಚಿಸಿದರು.

• ಮೇಲ್ವಿಚಾರಣಾ ಬ್ಲಾಕ್‌ಗಳ ರಚನೆ: ಪ್ರತಿ ಚಾರ್ಜ್ ಆಫೀಸರ್‌ಗಳ ವ್ಯಾಪ್ತಿಯಲ್ಲಿ ಅಗತ್ಯವಿರುವ ಮೇಲ್ವಿಚಾರಣಾ ಬ್ಲಾಕ್‌ಗಳನ್ನು (Supervisory Blocks) ಶೀಘ್ರವಾಗಿ ರಚಿಸುವಂತೆ ಸೂಚಿಸಿದರು.

• ನೇಮಕಾತಿ ಆದೇಶಗಳ ವಿತರಣೆ: ಜನಗಣತಿ ಕಾರ್ಯಕ್ಕೆ ನಿಯೋಜಿಸಲಾದ ಸಿಬ್ಬಂದಿಗಳ ನೇಮಕಾತಿ ಆದೇಶಗಳನ್ನು ಆಯಾ ಇಲಾಖೆಗಳ ನೋಡಲ್ ಅಧಿಕಾರಿಗಳ ಮೂಲಕ ಗಣತಿದಾರರಿಗೆ ತಲುಪಿಸುವ ಪ್ರಕ್ರಿಯೆಯನ್ನು ಚುರುಕುಗೊಳಿಸಲು ಸೂಚಿಸಿದರು.
• ತರಬೇತಿ ಕಾರ್ಯಾಗಾರ: ಮುಂಬರುವ ತರಬೇತಿ ಕಾರ್ಯಾಗಾರಕ್ಕೆ ಅಗತ್ಯ ವ್ಯವಸ್ಥೆಯನ್ನು ಮಾಡಿಕೊಳ್ಳುವಂತೆ ಸೂಚಿಸಿದರು.

*ಸಮಗ್ರ ಮತ್ತು ಪರಿಣಾಮಕಾರಿ ಜನಗಣತಿಗೆ ಬದ್ಧ*

ಜನಗಣತಿ–2027 ಕಾರ್ಯವನ್ನು ಸಮಗ್ರ, ನಿಖರ ಹಾಗೂ ಪರಿಣಾಮಕಾರಿಯಾಗಿ ಅನುಷ್ಠಾನಗೊಳಿಸಲು ಬೆಂಗಳೂರು ಪೂರ್ವ ನಗರ ಪಾಲಿಕೆ ಬದ್ಧವಾಗಿದ್ದು, ಎಲ್ಲಾ ಹಂತಗಳಲ್ಲಿ ಸಮನ್ವಯದೊಂದಿಗೆ ಕಾರ್ಯನಿರ್ವಹಿಸುವಂತೆ ಅಧಿಕಾರಿಗಳಿಗೆ ಸೂಚಿಸಲಾಗಿದೆ ಎಂದು ಆಯುಕ್ತರು ತಿಳಿಸಿದರು.

ಸಭೆಯಲ್ಲಿ ಅಪರ ಆಯುಕ್ತರು (ಅಭಿವೃದ್ಧಿ) ಲೋಖಂಡೆ ಸ್ನೇಹಲ್ ಸುಧಾಕರ್,ಅಪರ ಆಯುಕ್ತರು (ಕಂದಾಯ) ಪ್ರಜ್ಞಾ ಅಮ್ಮಂಬಳ,ಜಂಟಿ ಆಯುಕ್ತರು ಡಾ. ಸುಧಾ , ಉಪ ಆಯುಕ್ತರು, ಚಾರ್ಜ್ ಆಫೀಸರ್‌ಗಳು, ಸಹಾಯಕ ಚಾರ್ಜ್ ಆಫೀಸರ್‌ಗಳು ಹಾಗೂ ತಾಂತ್ರಿಕ ಸಹಾಯಕರು ಉಪಸ್ಥಿತರಿದ್ದರು.

ಕೆಆರ್. ಪುರ: ಸಂಕ್ರಾಂತಿ ಹಾಗೂ ಯುಗಾದಿ ಹಬ್ಬದ ಪ್ರಯುಕ್ತ ಕೆಆರ್ ಪುರಂನ ಶ್ರೀ ವಿನಾಯಕ ಜ್ಯುವೆಲ್ಲರಿ ಮತ್ತು ಸಿಲ್ಕ್ ಸ್ಯಾರೀಸ್ ಮಳಿಗೆ ವತಿಯಿಂದ ಲಕ್ಕಿ ಡ್ರಾ ಆಯೋಜಿಸಿ ಫಲಿತಾಂಶ ಪ್ರಕಟಿಸಿದೆ.ಒಟ್ಟು 100 ವಿಜೇತರಿಗೆ ಬಹುಮಾನ ವಿತರಿಸಲಾಗಿದೆ.

2 ಸಾವಿರ ಮತ್ತು 5 ಸಾವಿರ ಹಾಗೂ 10 ಸಾವಿರ ರೂಪಾಯಿಗಳಿಗೂ ಅಧಿಕ‌ ಮೊತ್ತದ ಖರೀದಿಯ ಗ್ರಾಹಕರಿಗೆ ಒಂದು ಲಕ್ಕಿ ಡ್ರಾ ಕೂಪನ್ ನನ್ನು ನೀಡಲಾಗಿತ್ತು. ಅದರಂತೆ ಜ್ಯೂವೆಲ್ಲರಿ ಅಂಗಡಿ ಮಾಲೀಕರಾದ ಚಿದಂಬರಂ,ಎಸಿಪಿ ರಮೇಶ್ ಹಾಗೂ ಕೆಪಿಸಿಸಿ ಪ್ರಧಾನ ಕಾರ್ಯದರ್ಶಿ ಭವ್ಯ ನರಸಿಂಹಮೂರ್ತಿ ಅವರು ಲಕ್ಕಿ ಡ್ರಾ ವಿಜೇತರಿಗೆ ಬಹುಮಾನ ವಿತರಿಸಿದರು.

ವಿಜೇತರಿಗೆ ದ್ವಿಚಕ್ರ ವಾಹನ, ಎಲ್ ಇ ಡಿ ಟಿವಿ, ವಾಷಿಂಗ್ ಮಿಷನ್, ಫ್ರಿಡ್ಜ್ ,ಬೆಳ್ಳಿ ನಾಣ್ಯ, ಸಿಲ್ಕ್ ಸ್ಯಾರಿಸ್ ಸೇರಿದಂತೆ ನೂರು ಗ್ರಾಹಕರಿಗೆ ಬಹುಮಾನಗಳನ್ನು ವಿತರಣೆ ಮಾಡಲಾಯಿತು.

1)ರಾಮಮೂರ್ತಿನಗರ ನಿವಾಸಿ ಸುಪ್ರಿಯಾ ಅವರಿಗೆ ಮೊದಲ ಬಹುಮಾನ ಎಲೆಕ್ಟ್ರಾನಿಕ್ ಮೊಟರ್ ವಾಹನ,
2)ಸೀಗೆಹಳ್ಳಿ ನಿವಾಸಿ ಸುರೇಶ್ ಅವರಿಗೆ ಎಲ್ ಇ ಡಿ ಟಿವಿ ದ್ವಿತೀಯ ಬಹುಮಾನ,
3) ವಿಶಾಲ್ ಅವರಿಗೆ ವಾಷಿಂಗ್ ಮಿಷನ್ ತೃತೀಯ ಬಹುಮಾನ,
4) ದೀಪಾಂಜಲಿ ಅವರಿಗೆ ಡಬಲ್ ಡೋರ್ ಫ್ರಿಡ್ಜ್ ನಾಲ್ಕನೇ ಬಹುಮಾನ,
5) 10 ವಿಜೇತರಿಗೆ ಬೆಳ್ಳಿ ನಾಣ್ಯಗಳು,
6) 30 ವಿಜೇತರಿಗೆ ಕುಕ್ಕರ್ ,
7) 54 ವಿಜೇತರಿಗೆ ಸಿಲ್ಕ್ ಸ್ಯಾರೀಸ್ ಬಹುಮಾನಗಳನ್ನ ವಿತರಣೆ ಮಾಡಲಾಯಿತು.

ಮಾಲೀಕರಾದ ಚಿದಂಬರಂ ಮಾತನಾಡಿ ಕೆ.ಆರ್.ಪುರ ಮತ್ತು ಆನೇಪ್ಪ ಸರ್ಕಲ್ ನ ಎರಡು ಮಳಿಗೆಗಳಲ್ಲಿ ಲಕ್ಕಿ ಡ್ರಾ ಬಹುಮಾನಗಳ ಕೂಪನ್ ಗಳನ್ನ ನಮ್ಮ ಗ್ರಾಹಕರಿಗೆ ನೀಡಲಾಗಿತ್ತು.ಸಾವಿರಾರು ಸಂಖ್ಯೆಯಲ್ಲಿ ಗ್ರಾಹಕರು ನಮ್ಮ ಮೇಲೆ ವಿಶ್ವಾಸವಿಟ್ಟು ಆಭರಣ ಮತ್ತು ಬಟ್ಟೆಗಳನ್ನು ಖರೀದಿ ಮಾಡಿದರು ಅವರಿಗೆ ನಮ್ಮಿಂದ ಏನಾದರೂ ಉಡುಗೊರೆ ನೀಡಲು ಆಶಯ ಆಗಿತ್ತು ಆದರಿಂದ ಈ ಲಕ್ಕಿ ಡ್ರಾ ಬಹುಮಾನ ಕಾರ್ಯಕ್ರಮ ಆಯೋಜನೆ ಮಾಡಲಾಗಿದೆ ಎಂದರು.

ಗ್ರಾಹಕರ ವಿಶ್ವಾಸವನ್ನು ಮತ್ತಷ್ಟು ಗಟ್ಟಿಗೊಳಿಸುವ ಉದ್ದೇಶ ಹೊಂದಿದ್ದು, ಮುಂದಿನ ದಿನಗಳಲ್ಲಿ ಇಂತಹ ವಿಶೇಷ ಯೋಜನೆ ಕೈಗೊಳ್ಳುವುದಾಗಿ ಎಂದು ತಿಳಿಸಿದರು.

ಈ ವೇಳೆ ಗೀತಾ ಚಿದಂಬರ ಸೇರಿದಂತೆ ಸಿಬ್ಬಂದಿ ವರ್ಗದವರು ಉಪಸ್ಥಿತರಿದ್ದರು.

ಮಹದೇವಪುರ: ಹೊಸುರು ಬಂಡೆಯ ಶ್ರೀ ಕೃಷ್ಣ ಸೇವಾ ಗೋ ಶಾಲೆಯ ಗೋದಾಮುಗಳು ಬೆಂಕಿ ಅವಘಡದಿಂದ ಹಳಾಗಿದ್ದ ಸ್ಥಳವನ್ನು ಮಾಜಿ ಶಾಸಕ ಅರವಿಂದ ಲಿಂಬಾವಳಿ ನೇತೃತ್ವದಲ್ಲಿ  ಕ್ಷೇತ್ರದ ಬಿಜೆಪಿ ಮುಖಂಡರು, ಕಾರ್ಯಕರ್ತರು ಗೋ ಪ್ರೇಮಿಗಳ ಸಹಕಾರದಿಂದ ಸ್ವಚ್ಚಗೊಳಿಸಲಾಯಿತು.

ನಂತರ ಮಾತನಾಡಿದ ಮಾಜಿ ಶಾಸಕರು ಅವಘಡ ಸಂಭವಿಸಿದ ಮೊದಲ ದಿನದಿಂದಲೇ ಸ್ಥಳೀಯ ಮುಖಂಡರು ಮತ್ತು ಕಾರ್ಯಕರ್ತರು ಪರಿಹಾರ ಕಾರ್ಯದಲ್ಲಿ ತೊಡಗಿಸಿಕೊಂಡಿರುವುದನ್ನು ಪ್ರಶಂಸಿಸಿದರು.

ಗೋಶಾಲೆಯನ್ನು ಪುಖರಾಜ್ ಮಹಾರಾಜರು ನಿರ್ವಹಿಸುತ್ತಿದ್ದು, ಇದನ್ನ ಸಹಿಸದ ಕಿಡಿಗೇಡಿಗಳು ಉದ್ದೇಶ ಪೂರ್ವಕವಾಗಿ ದನಗಳ ದಾಸ್ತಾನು ಮಾಡಿದ ಹುಲ್ಲಿಗೆ ಬೆಂಕಿ ಹಚ್ಚಿ ಎರಡು ಶೆಡ್ ಗಳು ಅಪಾರ ಪ್ರಮಾಣದಲ್ಲಿ ಹಾನಿಯಾಗಿದೆ ಎಂದರು.

ಈ ಪ್ರಕರಣವನ್ನು ಪೊಲೀಸರು ಗಂಭೀರವಾಗಿ ಪರಿಗಣಿಸಿ ಶೀಘ್ರವಾಗಿ ಆರೋಪಿಗಳನ್ನು ಪತ್ತೆಹಚ್ಚಿ ಕಾನೂನಾತ್ಮಕ ಕ್ರಮ ಕೈಗೊಳ್ಳಬೇಕು ಎಂದು ಅವರು ಒತ್ತಾಯಿಸಿದರು.

ಬೆಂಕಿಯಿಂದ ಹಾನಿಗೊಂಡ ಎರಡು ದೊಡ್ಡ ಶೆಡ್‌ಗಳ ಪುನರ್ ನಿರ್ಮಾಣಕ್ಕೆ ದಾನಿಗಳು ಮುಂದೆ ಬಂದಿದ್ದು, ಗೋಶಾಲೆಗೆ ಭದ್ರತಾ ಗೋಡೆ ನಿರ್ಮಾಣಕ್ಕೂ ಕ್ರಮ ಕೈಗೊಳ್ಳಲಾಗುವುದು ಎಂದು ಭರವಸೆ ನೀಡಿದರು.

ಜನರೇಟರ್ ಅಗತ್ಯವಿರುವುದಾಗಿ ತಿಳಿಸಿದ ಹಿನ್ನೆಲೆಯಲ್ಲಿ, ಜೈನ್ ಸಮಾಜದ ಯುವಕರು ಮತ್ತು ನಮ್ಮ ಮುಖಂಡರು ಸಹಾಯ ಮಾಡಲು ಮುಂದಾಗಿದ್ದಾರೆ ಎಂದು ಹೇಳಿದರು.

ಸುಮಾರು 1,158ಕ್ಕೂ ಹೆಚ್ಚು ಗೋವುಗಳನ್ನು ಹೊಂದಿರುವ ಈ ಗೋಶಾಲೆಯಲ್ಲಿ ಬಹುತೇಕವು ಕಸಾಯಿಕಾನೆಯಿಂದ ರಕ್ಷಿಸಲ್ಪಟ್ಟ ಗೋವುಗಳಾಗಿವೆ. ಗೋಸಂಪತ್ತಿನ ಸಂರಕ್ಷಣೆ ನಮ್ಮೆಲ್ಲರ ಕರ್ತವ್ಯವಾಗಿದ್ದು, ಗೋ ಶಾಲೆಯ ಸಮಗ್ರ ಅಭಿವೃದ್ಧಿಗೆ ನಾವು ನಿಮ್ಮೊಂದಿಗೆ ನಿಲ್ಲುತ್ತೇವೆ ಮತ್ತು ಗೋ ಸಂಪತ್ತಿನ ಉಳಿವಿಗೆ ನಾವು ಬದ್ದರಾಗಿರುತ್ತೇವೆ ಎಂದರು.

ಈ ಸಂದರ್ಭದಲ್ಲಿ ಗ್ರಾಮಾಂತರ ಮಂಡಲ ಅಧ್ಯಕ್ಷರಾದ ಹೆಚ್ ಎಸ್ ಪಿಳ್ಳಪ್ಪ, ಕಣ್ಣೂರು ಪಂಚಾಯತಯುವಕರು ಅಧ್ಯಕ್ಷ ಅಶೋಕ್‌, ಮುಖಂಡರಾದ ಚನ್ನಸಂದ್ರ ಚಂದ್ರ ಶೇಖರ್, ಕಿತ್ತಗನೂರು ಶ್ರೀನಿವಾಸ್‌, ಮಾರುತಿಕುಮಾ‌ರ್,ಕಿಶೋರ್, ಸುಂದರ್, ದೊಡ್ಡಣ್ಣ, ಮಹೇಶ್, ಕಾರ್ಯಕರ್ತರು ಹಾಗೂ ಗೋಪ್ರೇಮಿಗಳು ಉಪಸ್ಥಿತರಿದ್ದರು.

ಬೆಂಗಳೂರು: ನಿಂತಿದ್ದ ಲಾರಿಗೆ ಬುಲೆಟ್‌ ಬೈಕ್‌ ಡಿಕ್ಕಿ ಹೊಡೆದ ಪರಿಣಾಮ ಮೂವರು ಎಂಜಿನಿಯರಿಂಗ್‌ ವಿದ್ಯಾರ್ಥಿಗಳು ಮೃತಪಟ್ಟಿರುವ ದಾರುಣ ಘಟನೆ ಕುದೂರು ಪೊಲೀಸ್‌‍ ಠಾಣೆ ವ್ಯಾಪ್ತಿಯಲ್ಲಿ ಇಂದು ಬೆಳಗಿನಜಾವ ನಡೆದಿದೆ.

ಮೃತಪಟ್ಟ ವಿದ್ಯಾರ್ಥಿಗಳನ್ನು ಆಚಾರ್ಯ ಎಂಜಿನಿಯರಿಂಗ್‌ ಕಾಲೇಜಿನ ಅಭಿಷೇಕ್‌ (21) ಮತ್ತು ಸಪ್ತಗಿರಿ ಎಂಜಿನಿಯರಿಂಗ್‌ ಕಾಲೇಜಿನ ಮನೋಜ್‌ (22) ಹಾಗೂ ನವೀನ್‌ (22) ಎಂದು ಗುರುತಿಸಲಾಗಿದೆ.
ಹಾಸನ ಜಿಲ್ಲೆಯ ನವೀನ್‌, ಬೇಲೂರಿನ ಅಭಿಷೇಕ್‌ ಹಾಗೂ ದಾವಣಗೆರೆಯ ಮನೋಜ್‌ ಸ್ನೇಹಿತರಾಗಿದ್ದು, ಕಾಲೇಜು ಹಾಸ್ಟೆಲ್‌ನಲ್ಲಿದ್ದುಕೊಂಡು ವ್ಯಾಸಂಗ ಮಾಡುತ್ತಿದ್ದರು. ಇವರುಗಳ ಪೈಕಿ ಒಬ್ಬ ಸ್ನೇಹಿತನ ಮನೆಗೆ ಒಂದೇ ಬುಲೆಟ್‌ ಬೈಕ್‌ನಲ್ಲಿ ಇಂದು ಬೆಳಗಿನ ಜಾವ 4 ಗಂಟೆ ಸುಮಾರಿನಲ್ಲಿ ಮೂವರು ಹೋಗುತ್ತಿದ್ದರು.
ಮರೂರು ಹ್ಯಾಂಡ್‌ಪೋಸ್ಟ್‌ ಬಳಿ ರಸ್ತೆ ಬದಿ ಲಾರಿ ನಿಲ್ಲಿಸಿರುವುದು ಗಮನಕ್ಕೆ ಬಂದಿಲ್ಲ. ಹಾಗಾಗಿ ಬೈಕ್‌ ಚಾಲನೆ ಮಾಡಿಕೊಂಡು ಹೋಗಿ ಲಾರಿಗೆ ಡಿಕ್ಕಿ ಹೊಡೆದಿದ್ದಾರೆ.ಡಿಕ್ಕಿಯ ರಭಸಕ್ಕೆ ಮೂವರು ಒಂದೊಂದು ಕಡೆ ಹಾರಿ ಬಿದ್ದು ಗಂಭೀರ ಗಾಯಗೊಂಡಿದ್ದು, ಅಭಿಷೇಕ್‌ ಹಾಗೂ ಮನೋಜ್‌ ಸ್ಥಳದಲ್ಲೇ ಸಾವನ್ನಪ್ಪಿದರೆ, ನವೀನ್‌ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಫಲಿಸದೇ ಮೃತಪಟ್ಟಿದ್ದಾನೆ.
ಸುದ್ದಿ ತಿಳಿದು ಕುದೂರು ಸಂಚಾರಿ ಠಾಣೆ ಪೊಲೀಸರು ಸ್ಥಳಕ್ಕೆ ಆಗಮಿಸಿ, ಪರಿಶೀಲಿಸಿ ಪ್ರಕರಣ ದಾಖಲಿಸಿಕೊಂಡು ಮೃತ ವಿದ್ಯಾರ್ಥಿಗಳ ಬಗ್ಗೆ ಮಾಹಿತಿ ಸಂಗ್ರಹಿಸಿ ನಂತರ ಅವರ ಪೋಷಕರುಗಳಿಗೆ ವಿಷಯ ತಿಳಿಸಿದ್ದಾರೆ.
ಮೂವರು ವಿದ್ಯಾರ್ಥಿಗಳ ಮೃತದೇಹಗಳನ್ನು ಮರಣೋತ್ತರ ಪರೀಕ್ಷೆಗಾಗಿ ಆಸ್ಪತ್ರೆಗೆ ರವಾನಿಸಲಾಗಿದೆ. ಮಕ್ಕಳ ಸಾವಿನ ಸುದ್ದಿ ತಿಳಿದು ಪೋಷಕರ ಆಕ್ರಂದನ ಮುಗಿಲು ಮುಟ್ಟಿದೆ.