ಈ ಡಿಜಿಟಲ್ ದಸರಾ ಉತ್ಸವಕ್ಕೆ ಚಾಲನೆ.

ಬೆಂಗಳೂರು: ಯುವ ದಸರ ಅಂಗವಾಗಿ ಜಯ ನಗರ ಯುವಪಥದಲ್ಲಿ ಭಾನುವಾರ ಅಣ್ಣಯ್ಯ ಹಾಲ್ ನಲ್ಲಿ ಶಕ್ತಿ ಉತ್ಸವ ಉದ್ಘಾಟನೆಗೊಂಡಿತು.

ಪರಮ್ ಹಿಸ್ಟರಿ ಪ್ರಸ್ತುತ ಪಡಿಸುತ್ತಿರುವ ಈ ಡಿಜಿಟಲ್ ದಸರಾ ಉತ್ಸವವನ್ನು ಮೈಸೂರು ರಾಜಮನೆತನದ ಕಾಮಾಕ್ಷಿ ದೇವಿ ವಡೆಯರ್ ಹಾಗೂ ದಾರ್ಶಿಕ ಕುಮಾರಿ ಉದ್ಘಾಟಿಸಿದರು. ಪರಮ್ ಹಿಸ್ಟರಿ ನಿರ್ದೇಶಕ ಸಂತೋಷ್ ಜಿ ಆರ್ ಉಪಸ್ಥಿತರಿದ್ದರು.

ಡಿಜಿಟಲ್ ರೂಪದಲ್ಲಿ ಭಾರತದ ಕ್ಷಾತ್ರ ವನ್ನು ವಿವಿಧ ರೂಪಗಳಲ್ಲಿ ಪ್ರಸ್ತುತ ಪಡಿಸಿರುವ ರೀತಿಯನ್ನು ರಾಜಕುಮಾರಿ ಪ್ರಶಂಸಿಸಿದರು. ಭಾರತದ ಪರಂಪರೆಯನ್ನು ಯುವ ಜನಕ್ಕೆ ಆಸಕ್ತಿಕರ ವಾಗಿ ತಲುಪಿಸುವುದಕ್ಕೆ ಇದೇ ಸೂಕ್ತ ಮಾರ್ಗ ಎಂದು ಹೇಳಿದರು. ಮಹಾನವಮಿ ದಿಬ್ಬ ದ ಮರುಸೃಷ್ಟಿ ಯನ್ನು ವಿಶೇಷವಾಗಿ ಪ್ರಶಂಸಿದ ಅವರು, ಮೈಸೂರು ದಸರಾ ಮೂಲ ಇದೇ ಆಗಿದೆ ಎಂದು ನೆನಪಿಸಿಕೊಂಡರು.

ಭಾರತದ ಕ್ಷಾತ್ರ ವನ್ನು ಇಮ್ಮೆರ್ಸಿವ್ ಮತ್ತು ಸಂದರ್ಶಕರೇ ಮಾಡಿ ನೋಡುವ ರೀತಿಯಲ್ಲಿ ವಿನ್ಯಾಸ ಮಾಡಲಾಗಿರುವ ಈ ಡಿಜಿಟಲ್ ದಸರಾ ಈ ತಿಂಗಳ 21ರ ವರೆಗೆ ಸಾರ್ವಜನಿಕ ಮುಕ್ತವಾಗಿದೆ