ವೆಲ್ಲಿಂಗ್ಟನ್: ಇಲ್ಲಿ ನಡೆಯುತ್ತಿರುವ ಮೂರನೇ ಟಿ20 ಪಂದ್ಯದಲ್ಲಿ ಟೀಂ ಇಂಡಿಯಾ ಬ್ಯಾಟರ್ ಗಳಾದ ಅಭಿಷೇಕ್ ಶರ್ಮಾ ಹಾಗೂ ವೈಭವ್ ಸೂರ್ಯವಂಶಿ ಅಕ್ಷರಶಃ ನ್ಯೂಜಿಲೆಂಡ್ ಬೌಲರ್ ಗಳಿಗೆ ಚಳಿಜ್ವರ ಬರುವಂತೆ ಮಾಡಿದ್ದಾರೆ. ಮೊದಲು ಬ್ಯಾಟಿಂಗ್ ಮಾಡಿದ ನ್ಯೂಜಿಲೆಂಡ್ 20 ಓವರ್ ಗಳಲ್ಲಿ 3 ವಿಕೆಟ್ ನಷ್ಟಕ್ಕೆ 198 ರನ್ ಗಳಿಸಿತ್ತು.
ಈ ಮೊತ್ತ ನೋಡಿ ಎಲ್ಲರೂ ದೊಡ್ಡ ಮೊತ್ತವೇ ಪೇರಿಸಿದೆ ಎಂದುಕೊಂಡಿದ್ದರು. ಆದರೆ ಟೀಂ ಇಂಡಿಯಾ ಓಪನರ್ ಗಳಾದ ಅಭಿಷೇಕ್ ಶರ್ಮಾ-ವೈಭವ್ ಸೂರ್ಯವಂಶಿ ಇದನ್ನು ಜುಜುಬಿ ಮೊತ್ತದಂತೆ ಮಾಡಿಬಿಟ್ಟರು.
ಗಲ್ಲಿ ಕ್ರಿಕೆಟ್ ನಲ್ಲಿ ಆಡುವ ರೀತಿಯಲ್ಲಿ ನ್ಯೂಜಿಲೆಂಡ್ ಬೌಲರ್ ಗಳ ಮೇಲೆ ನಿರ್ದಯವಾಗಿ ಇಬ್ಬರೂ ಬ್ಯಾಟ್ ಪ್ರಹಾರ ನಡೆಸಿದರು. ಅಭಿಷೇಕ್ ಕೇವಲ 35 ಎಸೆತಗಳಲ್ಲಿ ಶತಕ ಪೂರ್ತಿ ಮಾಡಿದರೆ ವೈಭವ್ ಸೂರ್ಯವಂಶಿ 19 ಎಸೆತಗಳಿಂದ 45 ರನ್ ಚಚ್ಚಿದರು. ಇದರಲ್ಲಿ ತಲಾ 4 ಬೌಂಡರಿ ಹಾಗೂ ಸಿಕ್ಸರ್ ಸೇರಿತ್ತು. ಅಭಿಷೇಕ್ ಇನಿಂಗ್ಸ್ ಇಂದು ಹೈಲೈಟ್ ಆಗಿತ್ತು. ಕೇವಲ 38 ಎಸೆತ ಎದುರಿಸಿದ ಅವರು 11 ಸಿಕ್ಸರ್, 9 ಬೌಂಡರಿ ನೆರವಿನಿಂದ 113 ರನ್ ಗಳಿಸಿ ಔಟಾದರು.
ಇಬ್ಬರ ಅಬ್ಬರದ ಬ್ಯಾಟಿಂಗ್ ನಿಂದಾಗಿ ಭಾರತ 10 ಓವರ್ ಆಗುವಷ್ಟರಲ್ಲಿ 178 ರನ್ ಗಳಿಸಿತ್ತು! ಸ್ಕೋರ್ ಕಾರ್ಡ್ ನೋಡಿದ ಪ್ರೇಕ್ಷಕರು ನಿಜಕ್ಕೂ ಶಾಕ್ ಆಗುವಂತಿತ್ತು ಇವರ ಬ್ಯಾಟಿಂಗ್. ಅಂತಿಮವಾಗಿ ಭಾರತ ಕೇವಲ 13.2 ಓವರ್ ಗಳಲ್ಲಿ 4 ವಿಕೆಟ್ ನಷ್ಟಕ್ಕೆ ರನ್ ಗಳಿಸಿ ಭರ್ಜರಿ 6 ವಿಕೆಟ್ ಗಳ ಗೆಲುವು ಸಾಧಿಸಿತು.